الرئيسية > تصنيفات > قريبا > ديوان تفاصيل الوحدة و الونس – محمد إبراهيم

ديوان تفاصيل الوحدة و الونس – محمد إبراهيم

ديوان تفاصيل الوحدة و الونس .. ديوان بالعامية المصرية

إهداء لكل الهربانين
بالوحدة والنوم والغياب.
إهداء لمرضى الاكتئاب
ولكل واحد عنده فوبيا من البشر
ولكل واحد عنده أعراض انسحاب
علي فكرة عادي متقلقوش
الوحدة مُمكن تبقى باب.
إهداء لكل اللي اتعمل
ولكل إحساس بالأمَل
ولكل بُكره هيبقى أحلى من اللي فات.
ولذكريات،
ولعمر عدَّى بدون ما روحك بيه تحِس.
ومشيت طريق
ورجعت منه وحيد وبَس.
أول طريق الدنيا هتعيش وحدتك
آخر طريق الوحدة دايمًا
فيه وَنَس

كتب “محمد إبراهيم” عبر صفحته الرسمية على موقع التواصل الاجتماعي “فيس بوك” إهداءً خاص، للكتاب قائلًا: “الديوان ده اهداء.. للناس اللي محتاجه حد يفهمها.. حد يستوعب انها مش دايما بتبقي عارفه تتكلم.. وانهم متقلبين المزاج جدا لدرجة انهم ممكن يبقوا بيضحكوا و يروحوا معيطين فجأه.. و انهم بيتعشموا جدا فـ الناس اللى بيحبوها.. ولما بيحبوا بيقعوا على وشهم.. وبيحبوا بكل طاقتهم.. وانهم برضه ليهم طاقه.. ومبيتحملوش ” الغياب الطويل “.. و “الأحضان الروتينيه ” و ” التراكمات “.. و انهم ساعات بيحبوا يبقوا لواحدهم .. .. و انهم ساعات قلبهم بيتقبض من غير سبب .. فبيفضلوا مأريفين طول اليوم.. و انهم فعلا ممكن ميعرفوش يناموا .. لو حد زعلان منهم”، متابعًا: “الديوان ده مرايه لكل الناس اللي ” بتحس ” .. الناس اللى بتاخد كل حاجه على أعصابها .. عشان دول أكتر ناس .. بتضحى .. و أكتر ناس بتتعب لما بتحب ! .. و أكتر ناس بتحب بجد و اكتر ناس محبوسه في تفاصيل الوحده و الونس”.

ديوان تفاصيل الوحدة والونس

تعليق واحد

  1. مش عارف احمل كتاب تفاصيل الوحده و الونس..
    ممكن حد يقولى ازاى احمل الكتاب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *