الرئيسية > الأدب العربي > دواوين الشعر > ديوان اطمني – محمد إبراهيم

ديوان اطمني – محمد إبراهيم

ديوان اطمني (بالعامية المصرية) تأليف محمد إبراهيم

الديوان ده إهداء لكل الطيبين ..
ضحايا الوحده و التفكير و القلق من كل حاجه ..
إهداء للي مستنيين ان بكره يطبطب عليهم ..
وان الدنيا تصالحهم وان ربنا ياخد بإيدهم
عشان يعدوا الأيام الصعبه دي .. إهداء لكل اللي بيدوروا علي حد مؤمن بيهم قبل ما يحبهم .. وحد يحبهم قبل ما يحبوه .. حد يستوعب إنهم عباره عن كتلة مشاعر تتحب زي ما هي وخلاص .. حد يفهم ضعفهم ويحتويه .. ويشاركهم كل التفاصيل اللي ممكن تبان تافهه .. بس عندهم تساوي كتير أوي .. اهداء للي صبرهم خلص بس متأكدين ان فيه حاجه هتحصل تغير حياتهم كلها للأحسن .. للي مستنيين حد يقولهم انه ” مش هيمشي ” ..
وانهم مش هيرجعوا لأيام للوحدة تاني ..
للي نفسهم ” يطمنوا ” بهديلكم ديواني السابع والأهم
” اطمني ” الديوان ده مش هيغير حياتك ..
الديوان ده وعد مني هيغيرك انت الأول .

ديوان : اطمني
محمد ابراهيم

من أجواء الكتاب:

متخافيش
مش جاي أسيبلك جرح وامشي
ولا جيت عشان أفضل يومين وأبعد سنة
أنا جيت عشان مافضِلش في حياتي إلا أنا
جيتلك وعارف يعني إيه “وحدة”
جيتلك وعارف يعني إيه “حرمان”
وإزاي فيه ناس بتموت من الأحزان
وإزاي فيه واحد قال وحشتيني
من غير ما واحدة تقوله “وانت كمان”
وازاي فيه واحد بَنى
وازاي في واحد هَد
هتخافي مني إزاي
وأنا قلبي باب مفتوح
ده أنا حتى وأنا مجروح ماعرفتش أجرح حد!

ديوان اطمني

تحميل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *